ROTEIRO BAÑOS DE SAN XUSTO
O roteiro de Baños de San Xusto é un percorrido lineal de 2,6 kilómetros (distancia completa de ida e volta) que vai desde os Baños de San Xusto hasta A Ponte Nova e que destaca polo valor que teñen as súas augas mineromedicinais dende principios do século XX.
PERCORRIDO
O roteiro pode comezarse no nacemento das augas mineromedicinais dos baños de San Xusto para dirixirse río abaixo acompañado primeiro polo balneario reformado no 2021 e despois por un grupo de cinco muiños. Nese punto aparece o primeiro sinal do roteiro para comezar un pequeno ascenso.
Sábese que o lugar chegou a facerse un xabón de sales e que tiña doce bañeiras nas que a xente bebía e trataba a pel coas augas sulfurosas.
Nada máis pasar o último muiño o roteiro toma unha subida que leva ao camiñante por una densa zona de bosque. A auga está presente en varios puntos do percorrido e xa chegando ao último tercio pódese desfrutar co descenso dun pequeno regato que baixa en cascada entre rocas facendo sentir a quen o contempla a forza vibrante dunha natureza que aquí mostra toda a súa enerxía.
Sen tregua para tomar un descanso da beleza do lugar asomámonos ao último punto do percorrido coa visita a A Ponte Nova, unha estrutura do século XVIII (1721-1730), feita en cantería e formada por un arco de medio punto que cruza sobre o Río Lérez. O seus 19,2 metros de ancho convírtena nunha das pontes con máis luz de Galicia.
Cando as forzas ou o espírito quede plenamente reconfortado polas vistas da ponte podemos retomar o camiño de volta aos Baños de San Xusto.
ELEMENTOS DE INTERESE:
LONXITUDE E DURACIÓN:
- RUTA PRINCIPAL: 2,6 km, 40 minutos.
DIFICULTADE:
O percorrido deste roteiro ten unha dificultade de entre moderada e intensa; non polos desnivéis (que os hai), nin pola distancia, senón pola orografía que atravesa, os camiños irregulares e as baixadas con humidade do bosque. Por iso se recomenda ir con bo calzado e roupa cómoda. O traxecto corto permite a calquera persoa cunha condición física normal facelo sen problemas sen deixar de tomar as precaucións oportunas.
EQUIPO ACONSELLADO:
Calzado e roupa cómoda para camiñar.
CONDICIÓNS CLIMATOLÓXICAS:
Ter previsión das condicións cambiantes do clima de Galicia.
RECOMENDACIÓNS:
- Hidrátate antes de saír.
- Camiña lentamente durante uns cinco minutos para quentar e despois aumenta a velocidade durante uns 15 minutos.
- Mentres camiñas, move os brazos.
- Camiña coas costas rectas, o abdome plano e a cabeza erguida.
- Apunte os dedos cara adiante.
- Camiña cun longo paso cómodo e sen esforzo.
- Remata a camiñada cun enfriamento de cinco minutos e algúns estiramentos suaves.
SINALIZACIÓN DO ROTEIRO:
ACTIVIDADE COMPLEMENTARIA:
Hai outra maneira de desfrutar dos roteiros saudables: descubrir tesouros escondidos nas rutas polas que camiñas. En moitos lugares da nosa contorna hai pequenas sorpresas agochadas para o desfrute de todos. A actividade chámase Geocaching e invitamos a todos a descubrila como parte da actividade física regular que propoñemos cos roteiros saudables. Achegamos un vídeo que explica en qué consiste e a continuación un mapa que mostra onde eses tesouros se esconden.
 |
| Mostra de cachés escondidos. |
Ningún comentario:
Publicar un comentario