28 maio 2021

ROTEIRO SAUDABLE FAMELGA

ROTEIRO SAUDABLE FAMELGA



O roteiro saudable de Famelga é un percorrido circular de 5 kilómetros que transita por Famelga, Aguasantas e Valongo, e no que o camiñante poderá desfrutar do seu entorno rural e forestal. Así mesmo a ruta ofrece outros lugares de interese como a Carballeira de Famelga, o Pazo de Campodanta, a Casa Grande de Famelga e o Castro de Famelga entre outras construccións de valor arquitectónico.















Carballeira de Famelga


PERCORRIDO


O roteiro saudable de Famelga comeza preto da Carballeira de Famelga para dirixirse a Tradonabal,  onde se pode contemplar o Pazo de Campodanta, despois descende hasta Á Coutada para pasar por Martín xa na parroquia de Aguasantas. Este tramo hasta a estrada PO-235 compártese co Roteiro saudable de Valongo, so que en dirección contraria. É moi fácil de ver porque os sinais aparecen a un e outro lado da estrada. Os que temos que seguir son os da esquerda.

Pazo de Campodanta


Fonte da Moa

Despois de cruzar a estrada PO-235 o roteiro vira cara o norte en dirección a Chielas onde se pode tomar un descanso antes da subida nunha pequena carballeira con mesas para despois terminar de dar a volta completa por unha zona forestal que nos levará de novo a Famelga.
O roteiro termina na Carballeira de Famelga. Hai a posibilidade, para quen o desexe, de acercarse ao Castro de Famelga para completar a camiñada cunha visita arquelóxica.

ELEMENTOS DE INTERESE:

Punto de partida
Punto de chegada
Lavadoiro dos Meixóns
Fonte da Moa
Fonte da Carballeira de Famelga
Carballeira de Famelga
Castro de Famelga
Pazo de Campodanta
Casa grande de Famelga
Cruceiro
Peto 
Parque
Mesas

LONXITUDE E DURACIÓN:

  1. RUTA PRINCIPAL: 5 km, 1 hora e 10 minutos.

DIFICULTADE: 

O percorrido deste roteiro saudable ten unha dificultade baixa, se ben habería que indicar que os metros iniciais do mesmo teñen un desnivel negativo a ter en conta. Ao mesmo tempo a parte media ten unha subida e a parte final volve a ter un descenso. O resto do roteiro conta con escasos desnivéis polo que se pode dicir que é moi asequible e cumpre coas condicións dos roteiros saudables.

EQUIPO ACONSELLADO: 

Calzado e roupa cómoda para camiñar.

CONDICIÓNS CLIMATOLÓXICAS: 

Ter previsión das condicións cambiantes do clima de Galicia.

RECOMENDACIÓNS:

  1. Hidrátate antes de saír.
  2. Camiña lentamente durante uns cinco minutos para quentar e despois aumenta a velocidade durante uns 15 minutos.
  3. Mentres camiñas, move os brazos.
  4. Camiña coas costas rectas, o abdome plano e a cabeza erguida.
  5. Apunte os dedos cara adiante.
  6. Camiña cun longo paso cómodo e sen esforzo.
  7. Remata a camiñada cun enfriamento de cinco minutos e algúns estiramentos suaves.

SINALIZACIÓN DOS ROTEIROS:


ACTIVIDADE COMPLEMENTARIA: 


Hai outra maneira de desfrutar dos roteiros saudables: descubrir tesouros escondidos nas rutas polas que camiñas. En moitos lugares da nosa contorna hai pequenas sorpresas agochadas para o desfrute de todos. A actividade chámase Geocaching e invitamos a todos a descubrila como parte da actividade física regular que propoñemos cos roteiros saudables. Achegamos un vídeo que explica en qué consiste e a continuación un mapa que mostra onde eses tesouros se esconden.


Mostra de cachés escondidos.









    21 maio 2021

    ROTEIRO SAUDABLE DE QUIREZA

    ROTEIRO SAUDABLE DE QUIREZA


    O roteiro saudable de Quireza é un percorrido circular de 7 kilómetros situado entre os lugares de Fondós, Cuiña e Vilarchán no concello de Cerdedo-Cotobade. Percorre os montes de Quireza en pleno contacto coa natureza ofrecendo a cada paso vistas sobre o val do río Lérez, carballeiras, pinares e un pequeno bosque de acivro que invitan ao camiñante a desfrutar do entorno mentres fai exercicio.











    PERCORRIDO

    Carballeira de Fondós

    O roteiro saudable de Quireza comeza xunto á Carballeira de Fondós no lugar de Fondós. Toma dirección norte deixando a visita á carballeira para a volta.


    Nada máis saír comeza un camiño moi transitble no que apenas hai dúbidas sobre a dirección a seguir. En escasos metros estaremos mergullados en plena natureza e o común para a vista serán os carballos, os pinos e os regueiros que aparecen cada pouco. Xa non moi lonxe comeza unha moderada subida que pouco a pouco fará que entremos en calor.


    A medio camiño haberá superar unha subida duns 50 metros que terminará por facernos quecer completamente e a partir de ahí xa so queda disfrutar das vistas sobre o val do Lerez. Segue unha baixada pronunciada que no fará tomar precaucións antes de pasar polo Regueiro de Ponte Faroxo.





    O caminño de volta pasa por Cuiña e Mamoalba a partir de onde voltaremos á natureza tupida do bosque entre pinares. Tamén poderá verse un pequeno bosque de acivro antes de tomar dirección á Carballeira de Fondós para terminar o Roteiro Saudable de Quireza cun merecido descanso á sombra dos carballos.

    ELEMENTOS DE INTERESE:

    Punto de partida e chegada
    Cruceiro
    Mirador
    Fonte
    Carballeira

    LONXITUDE E DURACIÓN:

    1. RUTA PRINCIPAL: 7 km, 1 hora e 30 minutos.

    DIFICULTADE: 

    O percorrido deste roteiro saudable ten unha dificultade de moderada a intensa, se ben habería que indicar que os metros iniciáis do mesmo teñen pouco desnivel e os metros finais non confiren gran dificultade. Será en dous tramos concretos da ruta onde as pedras do camiño e o desnivel fagan que se categorice como tal. A ter en conta é o tramo (sinalado en vermello no mapa) cun descenso pronunciado e pedra solta e un regueiro de paso estreito como a maior dificultade do terreo. O resto do roteiro conta con escasos desnivéis.

    EQUIPO ACONSELLADO: 

    Calzado e roupa cómoda para camiñar.

    CONDICIÓNS CLIMATOLÓXICAS: 

    Ter previsión das condicións cambiantes do clima de Galicia.

    RECOMENDACIÓNS:

    1. Hidrátate antes de saír.
    2. Camiña lentamente durante uns cinco minutos para quentar e despois aumenta a velocidade durante uns 15 minutos.
    3. Mentres camiñas, move os brazos.
    4. Camiña coas costas rectas, o abdome plano e a cabeza erguida.
    5. Apunte os dedos cara adiante.
    6. Camiña cun longo paso cómodo e sen esforzo.
    7. Remata a camiñada cun enfriamento de cinco minutos e algúns estiramentos suaves.

    SINALIZACIÓN DOS ROTEIROS:


    ACTIVIDADE COMPLEMENTARIA: 


    Hai outra maneira de desfrutar dos roteiros saudables: descubrir tesouros escondidos nas rutas polas que camiñas. En moitos lugares da nosa contorna hai pequenas sorpresas agochadas para o desfrute de todos. A actividade chámase Geocaching e invitamos a todos a descubrila como parte da actividade física regular que propoñemos cos roteiros saudables. Achegamos un vídeo que explica en qué consiste e a continuación un mapa que mostra onde eses tesouros se esconden.


    Mostra de cachés escondidos.








      Publicación destacada

      ROTEIRO DE BAÑOS DE SAN XUSTO

      ROTEIRO BAÑOS DE SAN XUSTO O roteiro de Baños de San Xusto é un percorrido lineal de 2,6 kilómetros (distancia completa de ida e volta) que ...

      Popular Posts