11 xuño 2021

ROTEIRO SAUDABLE DE BORELA

ROTEIRO SAUDABLE DE BORELA


Reitoral de San Martiño de Borela


O roteiro saudable de Borela é un percorrido circular de 6 kilómetros que destaca polas diferentes construccións de interese arquitectónico que se poden atopar, como son a igrexa e a reitoral de San Martiño. No seu trazado tamén é común ver cruceiros, unha ponte medieval, lavadoiros, abundantes fontes ou a unha capela (Capela de Lourdes). Conta ademáis cunha derivación que leva ao camiñante ata a zona de A Graña.









PERCORRIDO


O roteiro saudable de Borela comeza na praza fronte á subida á igrexa de San Martiño, lugar onde se pode aparcar antes de comezar a camiñar. Superada esta primeira costa xa non haberá máis desnivéis importantes. 


No alto recomendamos a visita á igrexa de San Martiño e botar unha ollada á reitoral. 

Reitoral de San Martiño de Borela

Detalle da zona do adro da igrexa de San Martiño de Borela

O percorrido continúa polo campo da festa onde se pode ver un cruceiro. Salindo xa do campo da festa teremos unhas vistas xeráis da parroquia de Borela.

Cando cheguemos á estrada principal do pobo (EP-0407) teremos dúas opcións: facer a derivación de dous kilómetros (ida e volta) que vai ao lugar de A Graña onde se poden ver un lavadoiro e un cruceiro ou seguir o trazado circular principal. A derivación que vai dirección A Graña ten os sinais marcados pola esquerda e á volta habería que facela tamén pola esquerda. (Os sinais de derivación de ida e volta podedes velos nesta entrada máis abaixo).

Iconografía relixiosa no lavadoiro de A Graña


Seguindo a ruta circular iremos hacia o Río Borela onde podemos tomar un descanso nunha zona de mesas fronte ao río.


O camiño segue sen embargo polo lugar de A Senra para ir entre as súas casas en dirección á Capela e Lourdes e a ponte medieval. Recomendamos seguir o lado esquerdo do trazado en todo momento. Desde a ponte medieval volveremos pola estrada hasta o punto de partida.

Capela de Lourdes

Acceso á ponte medieval de Borela

ELEMENTOS DE INTERESE:

Inicio e Chegada da ruta
Igrexa de San Martiño de Cotobade
Fonte
Capilla de Lourdes
Fonte da plaza
Mina de auga
Lavadoiro A Graña
Casa de cultura Nélida Piñón
Cruceiro
Ponte medieval de Borela
Mesas
Aparcamento
Parque

LONXITUDE E DURACIÓN:

  1. RUTA PRINCIPAL: 4 km, 1 hora
  2. DERIVACIÓN Á GRAÑA (IDA E VOLTA): 2,2 km, 30 minutos.

DIFICULTADE: 

O percorrido deste roteiro saudable ten unha dificultade baixa, só hai que destacar a primeria subida a igrexa como o único punto de dificultade. Son apenas 200 metros que se fan agradables ao chegar á parte alta. O resto do roteiro conta con escasos desnivéis polo que se pode dicir que é moi asequible e cumpre coas condicións dos roteiros saudables. 

EQUIPO ACONSELLADO: 

Calzado e roupa cómoda para camiñar.

CONDICIÓNS CLIMATOLÓXICAS: 

Ter previsión das condicións cambiantes do clima de Galicia.

RECOMENDACIÓNS:

  1. Hidrátate antes de saír.
  2. Camiña lentamente durante uns cinco minutos para quentar e despois aumenta a velocidade durante uns 15 minutos.
  3. Mentres camiñas, move os brazos.
  4. Camiña coas costas rectas, o abdome plano e a cabeza erguida.
  5. Apunte os dedos cara adiante.
  6. Camiña cun longo paso cómodo e sen esforzo.
  7. Remata a camiñada cun enfriamento de cinco minutos e algúns estiramentos suaves.

SINALIZACIÓN DOS ROTEIROS:


ACTIVIDADE COMPLEMENTARIA: 


Hai outra maneira de desfrutar dos roteiros saudables: descubrir tesouros escondidos nas rutas polas que camiñas. En moitos lugares da nosa contorna hai pequenas sorpresas agochadas para o desfrute de todos. A actividade chámase Geocaching e invitamos a todos a descubrila como parte da actividade física regular que propoñemos cos roteiros saudables. Achegamos un vídeo que explica en qué consiste e a continuación un mapa que mostra onde eses tesouros se esconden.


Mostra de cachés escondidos.









    Ningún comentario:

    Publicar un comentario

    Publicación destacada

    ROTEIRO PARADA DE TENORIO

    ROTEIRO DE PARADA DE TENORIO O roteiro de Parada de Tenorio é un percorrido circular de 4,3 kilómetros que percorre parte do pobo e zonas fo...

    Popular Posts